Á kostnað ríkisins hér, en ekki endilega erlendis

Á kostnað ríkisins hér, en ekki endilega erlendis

Háar fjárhæðir eru greiddar árlega af íslenskum tryggingafélögum vegna veikinda eða slysa Íslendinga á ferðalögum erlendis.  Hér á landi er þetta á kostnað ríkisins, til að mynda vegna aðstoðar Landhelgisgæslunnar.  Þá fellur til töluverður kostnaður fyrir aðila eins og Landsbjörg, sem þó eru að miklu leyti háð sjálföflunarfjármagni og sjálboðastarfi.  

Spyr.is kallar nú eftir svörum sem snúa að kostnaði við slys eða leit að erlendum ferðamönnum.  Þar sendi lesandi fyrirspurn sem beinist að Landhelgisgæslunni og kostnað á þeirra vegum.  Viðkomandi velti því fyrir sér hvers vegna erlendir ferðamenn greiða ekki gjald fyrir leit, björgun eða aðstoð vegna slysa.  Landhelgisgæslan mun svara fyrir sína hönd á næstu dögum.

En til að fá betri mynd af því hvernig þessu er háttað erlendis, ákvað Spyr.is að leita til sérfræðinga VÍS og spyrja hvernig Íslendingar eru tryggðir þegar þeir ferðast til annarra landa. 

Í þeim málum þekkja flestir sögur af því að leggja þarf fram gögn um tryggingar þegar til dæmis Íslendingur þarf að leggjast á sjúkrahús eða lendir í öðru óvæntu á meðan á ferð stendur.

Í svari VÍS kemur meðal annars fram að töluvert er um að íslensku tryggingafélögin séu að greiða töluverðan kostnað árlega fyrir slys eða sjúkrahúsdvöl Íslendinga á ferðalögum erlendis.  Þá sýnir yfirlit yfir ferðatryggingar að algengustu tryggingarnar innifela flestan kostnað sem getur komið upp, til dæmis vegna slysa í frístund erlendis.

VÍS svaraði eftirfarandi spurningum:

Hvernig er ferðatryggingum Íslendinga almennt háttað hvað varðar tryggingu á kostnaði ferða erlendis, þar sem viðkomandi til dæmis slasast eða týnist? 

 Almennt eru Íslendingar tryggðir í gegnum fjölskyldutryggingar sínar og/eða kortatryggingar.

Fjárhæðir og verndir er mismunandi eftir tryggingum en algengt er að fólk sé með eftirfarandi ferðatryggingar inní fjölskyldutryggingunum:

• Forfallatryggingu (sem bætir fyrirframgreiddan ferðakostnað skv. skilmálum).  

• Ferðasjúkratrygging (sem bætir sjúkrakostnað, læknishjálp og lyf að læknisráði, aukinn kostnað, sjúkraflutning, flutning á látnum og kostnað vegna orlofsferðar ef hún er rofin skv. fyrirmælum læknis skv. skilmálum ef vátryggður slasast, veikist eða deyr á ferðalagi erlendis). Tryggingin bætir ekki sjúkrakostnað vegna veikinda sem eru til staðar þegar ferð hefst, né lyf sem tryggingartaki notar að staðaldri.

• Ferðarofstrygging (bætur eru greiddar ef einstaklingur þarf að rjúfa utanlandsdvöl sína t.d. vegna andláts og alvarleg slyss (sjá skilmála)).

• Farangurstryggingu (bætir tjón á farangri skv. skilmálum).

• Farangurstafatryggingu (greiðir bætur til kaupa á nauðsynjum ef farangur skilar sér ekki skv. skilmálum).

Þar að auki gildir frítímaslysatryggingin erlendis.

Ef til dæmis Íslendingur er á skíðum erlendis og slasast, þannig að það þarf að kalla til þyrlu til að sækja viðkomandi og flytja á sjúkrahús, myndu algengustu ferðatryggingar dekka þann kostnað sem fylgdi fyrir ferðamanninn? 

 Við höfum verið að greiða slíkt úr F plús og sömuleiðis úr kortatryggingum.

 Eru tryggingarfélög með upplýsingar um hvort algengt sé að ferðatryggingar Íslendinga séu þær greiðslur sem oftast dekka kostnað við slys eða sjúkrahúsdvöl Íslendinga á ferðum erlendis? 

Við erum ekki með þær upplýsingar staðfestar en miðað við þær fjárhæðir sem við borgum ár hvert má ætla að a.m.k stór hluti kostnaðar sé greiddur af tryggingafélögunum.

F.h. VÍS

Björn Friðrik Brynjólfsson

Fjölmiðlafulltrúi