Icelandair svarar: “Bannlistinn” er afar stuttur

Er gert ráð fyrir að svona atvik geti komið upp í flugi? Fór bara allt í einu að hugsa hvort maður gæti lent í því í yfirfullri vél að ,,flugdólgur" yrði múlbundinn niður í sætinu við hliðina á vegna þess að það væru ekki laus sæti. Spyr sá sem ekki veit, takk.

 Áhöfn er þjálfuð til þess að bregðast við margskonar aðstæðum sem upp kunna að koma í flugi, og þar á meðal ofstopahegðun. Þau atvik eru þó afskaplega fá.

Mun eða hefur Icelandair fengið einhverjar frekari upplýsingar um málið að utan, til dæmis hvort maðurinn hafi verið kærður?

Eins og fram hefur komið mun Icelandair kæra þennan einstakling til lögreglu.

Ef einhver verður uppvís af svona framkomu (flugdólgur), getur hann flogið aftur með Icelandair eða eru nöfn þessara einstaklinga skráð á einhvern bannlista hjá flugfélaginu?

Þessi einstaklingur mun ekki fljúga með Icelandair á næstunni. En “bannlistinn” er afar stuttur.

Nú eru fjórar klukkustundir mjög langur tími og ef um til dæmis ölvun var að ræða þá veltir maður því fyrir sér hvort réttara hefði verið að losa um manninn eitthvað fyrir lendingu. Ef búnaður er til staðar í flugvélum fyrir svona tilfelli, má þá ekki gera ráð fyrir að til staðar séu einhverjar almennar reglur um hvernig bregðast skuli við í svona málum og er þá eitthvað hægt að segja nánar frá þeim reglum? Legg áherslu á við spyr að ég er ekki að taka upp hanskann fyrir manninn en von um birtingu á spurningu.

Áhöfnin fylgdist stöðugt með manninum, með hliðsjón af ástandi hans og heilsufari í samræmi við vinnureglur félagsins.

Guðjón segir að maðurinn megi búast við að verða kærður, hvernig er ákært í svona málum?  (er það Icelandair sem kærir)

Eins og fram hefur komið mun Icelandair kæra manninn til lögreglu.